קכ"א
(א) שִׁיר לַמַּעֲלוֹת אֶשָּׂא עֵינַי אֶל-הֶהָרִים מֵאַיִן יָבא עֶזְרִי:
(ב) עֶזְרִי מֵעִם יְהוָה עשֵׂה שָׁמַיִם וָאָרֶץ:
(ג) אַל-יִתֵּן לַמּוֹט רַגְלֶךָ אַל-יָנוּם שׁמְרֶךָ:
(ד) הִנֵּה לֹא יָנוּם וְלֹא יִישָׁן שׁוֹמֵר יִשְׂרָאֵל:
(ה) יְהוָה שׁמְרֶךָ יְהוָה צִלְּךָ עַל-יַד יְמִינֶךָ:
(ו) יוֹמָם הַשֶּׁמֶשׁ לֹא-יַכֶּכָּה וְיָרֵחַ בַּלָּיְלָה:
(ז) יְהוָה יִשְׁמָרְךָ מִכָּל-רָע יִשְׁמר אֶת-נַפְשֶׁךָ:
(ח) יְהוָה יִשְׁמָר-צֵאתְךָ וּבוֹאֶךָ מֵעַתָּה וְעַד-עוֹלָם:
קכ"ט
(א) שִׁיר הַמַּעֲלוֹת רַבַּת צְרָרוּנִי מִנְּעוּרָי יאמַר נָא יִשְׂרָאֵל:
(ב) רַבַּת צְרָרוּנִי מִנְּעוּרָי גַּם לֹא יָכְלוּ-לִי:
(ג) עַל-גַּבִּי חָרְשׁוּ חֹרְשִׁים הֶאֱרִיכוּ לְמַעֲנִיתָם:
(ד) יְהוָה צַדִּיק קִצֵּץ עֲבוֹת רְשָׁעִים:
(ה) יֵבשׁוּ וְיִסּגוּ אָחוֹר כּל שׂנְאֵי צִיּוֹן:
(ו) יִהְיוּ כַּחֲצִיר גַּגּוֹת שֶׁקַּדְמַת שָׁלַף יָבֵשׁ:
(ז) שֶׁלּא מִלֵּא כַפּוֹ קוֹצֵר וְחִצְנוֹ מְעַמֵּר:
(ח) וְלֹא אָמְרוּ הָעבְרִים בִּרְכַּת יְהוָה אֲלֵיכֶם בֵּרַכְנוּ אֶתְכֶם בְּשֵׁם יְהוָה:
תודה רבה
